mochila viaxeira 2020-21.
Xa está á vosa disposición o libro encadernado coas vosas opinións e comentarios da mochila viaxeira que levastes no curso anterior (2020-21).
Aquí vai unha pequena mostra do resultado, pero hai moito máis. Animádevos a botarlle un vistazo, paga a pena. 😊😊😍
Desde o equipo de biblioteca, soamente nos resta darvos as grazas pola vosa colaboración. 👏👏👏
COLABORACIÓN CON "VOZ NATURA".
Como en anos anteriores, o noso centro segue a participar no proxecto "Voz Natura" para acondicionar os espazos naturais do centro ao mesmo tempo que se lle inculca aos rapaces o respecto e amor á natureza.
Neste curso o alumnado de 3º de primaria será o encargado de acondicionar o xardín anexo á nosa biblioteca.
No primeiro trimestre realizaron labores de limpeza e deixaron o xardín preparado para posteriores plantacións.
Moitas grazas a todos polo voso traballo!!!
O Samaín é unha das datas que celebramos por todo o alto no noso colexio e este ano non ía ser menos a pesar das restriccións.
Desde o equipo de biblioteca, propuxemos unha actividade de investigación sobre varios personaxes de terror pertencentes á tradición oral galega: as meigas, a santa compaña, o urco, o home do saco, a lavandeira da noite, o lobisome, as serpes, os trasnos, os mouros e as mouras. Cada clase escolleu un dos personaxes para facer un pequeno traballo de investigación en grupo e preparou unha breve exposición oral e, ademais, cada aula decorou a porta co personaxe escollido. A biblioteca tamén puxo á disposición dos distintos grupos tanto os fondos que temos sobre o tema, como os ordenadores para buscar infomación.
O día do Samaín, o alumnado foi rotando polas distintas aulas para falar do personaxe que lles tocou e facer partícipe ao resto do colexio da súa investigación.
Así quedaron as portas do cole:
Esta é unha pequena mostra das exposicións orais que realizaron os nosos alumnos e alumnas:
Nos días previos decoramos o hall e a biblioteca para ir ambientando o centro e colaborar co resto das aulas.
Ademais diso, o día do Samaín, houbo varias sesións de contacontos na biblioteca para os máis pequenos, que aproveitaron a ocasión para disfrutar dos contos que seleccionamos para eles coa temática propia desta data.
24 de outubro, día das bibliotecas escolares.
Nesta data tan especial para nós, fixemos unha "reinauguración" da nosa biblioteca, para celebrar que este ano de novo podemos voltar a facer uso dela.
Tamén aproveitamos este día tan especial para poñer en circulación a nosa mochila viaxeira, que coma en anos anteriores, leva un libro en galego, un libro en castelán, un libro temático e un xogo para que poidades disfrutar en familia. Esperamos que vos guste!!!
HORARIO DE EMPRÉSTITO.
No presente curso escolar, teremos que seguir a manter os grupos burbulla á hora de visitar a nosa biblioteca. Por ese motivo, os distintos grupos teñen asignado un recreo á semana para que poidan realizar os empréstitos e dovolucións dos fondos. Ademais, o día asignado poden utilizar libremente a biblioteca para ler, usar os ordenadores, xogar, buscar información, etc.
Este é o horario:
Recunchos e máis recunchos!
A biblioteca escolar é un ezpazo para ler, investigar e traballar, pero tamén é un sitio marabilloso para relaxarse, falar e xogar. E por iso fixemos distintos recunchos que favorezan a realización de todas estas actividades.
Recunchos para ler e traballar.
Recuncho de xogos.
Expurgo e nova distribución de espazos.
Por fin este ano recuperamos a nosa biblioteca escolar, que no curso pasado estivo a funcionar de comedor para os de infantil, polos motivos que xa todos sabedes.
Durante o mes de setembro e a primeira quincena de outubro mantivemos a biblioteca pechada, xa que decidimos redistribuír os espazos, para facer os fondos máis asequibles e fáciles de atopar, sobre todo para os máis pequenos.
DÍA DO MEDIO AMBIENTE
DIA DAS LETRAS GALEGAS.
O 17 de maio celebramos o día grande da nosa literatura, que este ano estivo adicado á escritora Xela Arias Castaño. Na súa homenaxe, o centro realizou múltiples actividades: decoramos o hall cun gran mural realizado con acrósticos e imaxes, fixemos unha lectura de Kamishibai para os máis pequenos, resolvemos cuestionarios e actividades online e xuntámonos todos no patio do colexio para cantar o himno galego.
Esta é unha pequena mostra das actividades realizadas:
No mural combinamos imaxes e acrósticos realizados polo noso alumnado.
Para facer os acrósticos utilizamos o nome da escritora.
Os alumnos de 3º B elaboraron un Kamishibai para contarlles aos máis pequenos a vida de Xela Arias, a nosa homenaxeada.
Tamén houbo moitas actividades, cuestionarios, busca de información e visionado de vídeos que propuxemos desde o equipo de biblioteca en colaboración co ENDL.
23 de abril, día do libro.
Neste día tan especial, o noso voluntariado de biblioteca preparou un conto para lles ir ler aos máis pequenos.
Valeria e Edyan foron a 4º de Infantil a ler o conto: Un vampiro peligrozo.
PROXECTO "BICHIÑOS"
Sarela, Daniela e Mounir, que forman parte do voluntariado da nosa biblioteca, acudiron recentemente a Infantil, para lles levar unha selección de libros da biblioteca que lles servirán de consulta para o proxecto que están a realizar nesta avaliación: "os bichos".
Pero ademais dos libros, leváronlles una sorpresa: uns vermes de seda xunto coa súa casiña, para que vexan de primeira man o proceso da metamorfose.
