MAGOSTO

Un ano máis, desde a biblioteca animamos á realización de diversas actividades relacionadas co magosto, unha festividade de grande raigame na nosa zona. Para iso, quixemos ambientar a biblioteca, e decoramos tanto a porta como o hall que está a carón da mesma. 

Ademais, puxemos á disposición da comunidade educativa os fondos existentes na biblioteca, así como os ordenadores, que os nenos utilizaron para buscar información e realizar todo tipo de consultas. 

Por último, expuxemos na biblioteca os traballos realizados polo alumnado, que está a disposición de todos para que o poidades ver cando queirades.