24 de outubro, día das bibliotecas escolares.

Nesta data tan especial para nós, fixemos unha "reinauguración" da nosa biblioteca, para celebrar que este ano de novo podemos voltar a facer uso dela. 

Tamén aproveitamos este día tan especial para poñer en circulación a nosa mochila viaxeira, que coma en anos anteriores, leva un libro en galego, un libro en castelán, un libro temático e un xogo para que poidades disfrutar en familia. Esperamos que vos guste!!!

 
 

HORARIO DE EMPRÉSTITO. 

No presente curso escolar, teremos que seguir a manter os grupos burbulla á hora de visitar a nosa biblioteca. Por ese motivo, os distintos grupos teñen asignado un recreo á semana para que poidan realizar os empréstitos e dovolucións dos fondos. Ademais, o día asignado poden utilizar libremente a biblioteca para ler, usar os ordenadores, xogar, buscar información, etc.

Este é o horario: 

 

 

Recunchos e máis recunchos! 

A biblioteca escolar é un ezpazo para ler, investigar e traballar, pero tamén é un sitio marabilloso para relaxarse, falar e xogar. E por iso fixemos distintos recunchos que favorezan a realización de todas estas actividades.

Recunchos para ler e traballar.

Zona de ordenadores.

Zona para relaxarse, ler e falar.

Recuncho de xogos. 

Zona para o material audiovisual.

Recuncho de prensa, revistas e traballos de consulta.
 

Zona de novidades.

 

 

 Novos carteis.

Estes son os novos carteis para sinalizar os fondos e axudarvos a encontrar máis facilmente os libros que buscades. 

Expurgo e nova distribución de espazos. 

Por fin este ano recuperamos a nosa biblioteca escolar, que no curso pasado estivo a funcionar de comedor para os de infantil, polos motivos que xa todos sabedes.

Durante o mes de setembro e a primeira quincena de outubro mantivemos a biblioteca pechada, xa que decidimos redistribuír os espazos, para facer os fondos máis asequibles e fáciles de atopar, sobre todo para os máis pequenos. 

Agora temos tres zonas ben diferenciadas: zona de secundaria, zona de primaria e recuncho de infantil. Esperamos que vos guste a nova distribución e que vos sexa máis fácil orientarvos na nosa biblio. 

DÍA DO MEDIO AMBIENTE

O 5 de xuño celebramos o día mundial do medio ambiente, un tema que sempre está de candente actualidade, debido aos retos medioambientais aos que nos enfrontamos como sociedade, de ahí a importancia de concienciar ao noso alumnado nos valores de protección e defensa do medio ambiente. 

Coma sempre, o noso alumnado voluntario mostrouse especialmente activo e foi visitar aos nenos de infantil para lles regalar unhas semprevivas, que pasarán a formar parte do seu "xardín da paz", que como todos lembramos é unha iniciativa que comezamos con motivo do día da paz coa plantación das nosas "plantas da paz".

 

 

 DIA DAS LETRAS GALEGAS.

O 17 de maio celebramos o día grande da nosa literatura, que este ano estivo adicado á escritora Xela Arias Castaño. Na súa homenaxe, o centro realizou múltiples actividades: decoramos o hall cun gran mural realizado con acrósticos e imaxes, fixemos unha lectura de Kamishibai para os máis pequenos, resolvemos cuestionarios e actividades online e xuntámonos todos no patio do colexio para cantar o himno galego. 

Esta é unha pequena mostra das actividades realizadas: 

No mural combinamos imaxes e acrósticos realizados polo noso alumnado.

 

Para facer os acrósticos utilizamos o nome da escritora.

              

 

Os alumnos de 3º B elaboraron un Kamishibai para contarlles aos máis pequenos a vida de Xela Arias, a nosa homenaxeada. 

 

Tamén houbo moitas actividades, cuestionarios, busca de información e visionado de vídeos que propuxemos desde o equipo de biblioteca en colaboración co ENDL.