ENTROIDO

Como en anos anteriores o equipo de biblioteca foi o encargado de elaborar os mandados do Meco (en forma de poema)e tamén de pescudar poemas e cancións que van co disfraz de cada grupo.

SEMANA DE ROSALÍA

Selecionamos poemas da autora e preparámolos para recitar nos recreos. Os recitadores son alumnos e alumnas das Bibliotecas Solidarias. Estes foron algúns dos libros de poesía da autora.
Abríuse a opción de recitar a calquera que queira facelo...alumnado, profesorado...

  

OS BOLECHAS RECICLAN

Hoxe na biblioteca tivemos doble sesión:
-Recitado de poemas de Rosalía
-Charla sobre a reciclaxe de residuos de aparellos electrónicos (RAEE)  a través de OS BOLECHAS. o alumnado de 2º e 3º de Educación Primaria foron os beneficiados desta charla-actuación e tamén os beneficiados dos agasallos de libros, xunto coa biblioteca do centro.

 

CARREIRA POLA PAZ

Hoxe celebramos a carreira solidaria posposta ata recaudar as aportacións voluntarias para a ONG Save the Children.
Pais, nais, alumnado e profesorado disfrutaron desta iniciativa solidaria.
 

DÍA DA LECTURA EN VOZ ALTA

Pois sen saber que o día 1 de febreiro se conmemoraba este día, coincidíu  que este día celebramos o Día da Paz (retrasámolo por mor de que había alumnado de excursión o día 30) e, como xa dixemos na anterior entrada, o alumnado voluntario e solidario de Biblioteca leu  en voz alta  aos máis pequenos contos e poemas sobre A Paz.
Así pois so queda sinalar este día para tod@s saiban que existe dende hai dez anos.

 

PREPARANDO O DÍA DA PAZ

Toda esta semana estivemos preparando este día tan importante nas nosas vidas, a violencia está ao noso arredor dentro e fóra do centro.

Como este curso temos moi presente a poética na nosa biblioteca as mensaxes que se envíen estarán en forma de poema.

Outro poema integrará o mural á porta da biblioteca do centro.

Os voluntarios e voluntarias solidari@s lerán contos e poemas aos máis pequen@s con esta temática 

de paz, amor, amizade...
Haberá unha festa final onde se colocará a CADEA POLA PAZ con todas as siluetas humanas e os poemas por cursos. Cantarase a canción da Paz de Mamá Cabra e bailaremos xuntos pola Paz no mundo.
Tamén haberá outras iniciativas solidarias como:
-Recollida de tapóns para a axuda a un rapaz necesitado.
-Unha carreira pola Paz que quedará para máis adiante.
-Recollida de fondos para donar aunha ONG facendo doces para vender no recreo.

ALMANAQUE 2019

Creado a partires de fotografías de actividades da biblioteca no curso pasado: