DÍA DO MEDIO AMBIENTE

Dende a casa o alumnado de 5º curso de Primaria traballou este contido tan candente e que xustificaría a súa elección como o tema do curso 2019-2020 neste centro.
Mágoa que non poideramos rematalo con normalidade debido a este confinamento que nos deixou un pouco baleiros de acción.

PRIMEIRO POEMA EN GALEGO DE CARBALHO CALERO

LETRAS GALEGAS CONFINAD@S

Propuxemos:
 -creación de contos e logo a súa lectura enviada en videos.
- creación de poemas sobre o que estamos a vivir
Publicamos neste blog un enlace co videoxogo:sobre a vida e obra de Carballo Calero 

letras-galegas-2020

                                  
                                   

      

   

     

PREMIO CLUBS DE LECTURA POLO DÍA DO LIBRO

Co gallo da conmemoración do Día Mundial do Libro 2020, a Dirección Xeral de Centros e Recursos Humanos, desde a que se coordinan as intervencións da Consellería de Educación, Universidade e Formación Profesional en materia de bibliotecas escolares e fomento da lectura, dispón: 
 Recoñecer o labor das autoras e dos autores galegos que facilitan cos seus libros a función do profesorado como mediadores de lectura e que concitan o interese das lectoras e dos lectores que participan nos clubs de lectura. Con esta finalidade, creouse en 2015 o Premio dos Clubs de Lectura que, cada ano, se outorgará ao autor ou á autora de obra en galego que resultase seleccionado polo maior número de clubs de lectura, mediante a lectura de un ou varios títulos, no curso precedente.

O premio dos Clubs de Lectura 2020 da Consellería de Educación é para a autora Andrea MaceirasNada na Coruña en 1987, Andrea Maceiras é licenciada en Filoloxía Galega e Hispánica. Compaxina o seu labor como escritora coa docencia en Secundaria.  É autora das novelas Proxecto Bolboreta (2007, obra gañadora do I Certame de Micronovela do Concello de Soutomaior), Violeta Tamurana (2010, 4º Premio Meiga Moira e finalista do Premio da Edición 2010 e do Premio Frei Martín Sarmiento 2011), O segredo do lagarto arnal (2012), Nubes de evolución (2013, finalista do Premio Fundación Nova Caixa Galicia 2011 e gañadora do Premio Fervenzas Literarias, 2014), Miña querida Sherezade (2014), Volverás, golfiño (2014, finalista do Premio Merlín, 2013), Europa Express (2015, Premio Jules Verne de Literatura Xuvenil), O que sei do silencio (2018, finalista do Premio Raíña Lupa) e Conta nove estrelas (2019, Premio Lazarillo 2018).

DÍA DA POESÍA, DA AUGA, DO TEATRO...

Todo adiado pola pandemia. Nestes días loucos aínda nos quedan algúns medios de comunicación para mencionalos e facernos reflexionar sobre eles.

 

 

DÍA DA MULLER

Estas son as actividades realizadas a día de hoxe: carteles e taller de pintado de camisetas

Tiñamos pensado rematar cunha manifestación de todo o centro para o venres 13 pero o coronavirus impedíuno. Era unha reunión de tod@s coas camisetas pintadas para a ocasión cun símbolo e unha palabra ou lema en galego cantando a canción de Guadi Galego "Matriarcas".

 

CONTACONTOS

A actriz de teatro Sabela Gago tamén nos visitou na biblioteca para amenizar aos máis pequenos. O alumnado de Infantil, 1º e 2º cursos de Primaria disfrutaron dun momento divertido coas historias maravillosas e sorprendentes desta muller que non é a primeira vez que temos o gusto de tela con nós.
O conto ten como protagonista a un neno aburrido de  continuo que acabou por divertirse cando lle regalan un lápiz máxico que funciona coa imaxinación.