VISITA A NOSA BIBLIOTECA ROSARIO DUEÑAS

Esta ourensana campiona de España de natación ofreceunos unha charla moi interesante sobre o poder de superación dunha persoa que sofre o accidente que ela sufríu. O alumnado quedou impresionado co seu relato.

LETRAS GALEGAS

Xogando a ser Antón Fraguas
 Elaboráronse murais xa pola época do Entroido onde traballou todo o alumnado do centro (agás Infantil). Agora a través dunha xincana de investigación buscaremos polo recinto escolar para resolvela, tamén usaremos a exposición sobre o autor.

 

CANTAR DE CEGO sobre ANTÓN FRAGUAS

Ímosvos contar a historia

deste gran estudoso

que pasou a vida enteira

traballando sen repouso.

Comeza a vida en Cotobade

decembro do 1905,

cando o ano rematababa

vén ao mundo este meniño.

O neno medrou xogando

polos campos de millo,

nos prados sempre verdes

regados polo seu rio.

Fillo dun pai canteiro

e dunha nai labrega

aprendeu Antoniño

a nosa fala galega.

Cando tiña doce anos

a familia decide emigrar

e que antes da partida

a Vigo ha de ir traballar.

Mais algo veu a acontecer

coas fadas do destino

e un mestre da súa escola

levouno por outro camiño.

O mestre convence aos pais

de que estudase aquí

unha “carreiriña” curta

antes de ir ao Brasil.

No Instituto Xeral Técnico

entra xa en Pontevedra

e alí remata os estudos

para ser mestre de veras.

O amor pola súa terra

e os traballos que realizou

foron por estar a carón

doutros mestres de paixón.

De Castelao aprendeu debuxo,

de Losada Diéguez as ideas

e doutros o rebulir no peito

do verme da súa terra.

Cando chega a Compostela

para estudar Filosofía

queda pronto namorado

da cidade que o atraparía.

Alí coñeceu compañeiros

e con eles comezou a escribir

un dicionario galego

con palabras do seu vivir.

Nas Irmandades da Fala

e no Seminario de Estudos

con Risco, Otero e Cuevillas

estivo o noso historiador.

Foi mestre en A Estrada

onde co seu alumnado

visitaba mámoas e castros

e patrimonio irlle ensinando.

Pronto chegou a guerra,

do ensino foi apartado,

regresa no ano cincuenta

a Lugo de catedrático.

Máis tarde sería doutor

pola universidade madrileña

director do Museo do Pobo

e por fin volta a Compostela.

Escribiu sobre costumes,

cultura, historia e xeografía,

en xornais e revistas,

e libros de etnografía.

Aquí remata esta historia

que é a historia dun estudoso

nado nunha familia humilde

e que chegou a ser famoso.

Fraguas, un galego de ben,

antropólogo e profesor,

director, cronista, arquiveiro,

xeógrafo ... historiador.

ACTIVIDADES   LETRAS GALEGAS 2019

-Debuxo-caricatura no Panel de Homenaxeados.

-Exposición da vida e obra de Antón Fraguas.

-Confeción dun Cantar de Cego sobre o autor.

-Exposición etnográfica do Entroido en Galicia elaborada polo alumnado do centro de 1º de Primaria ata 4º da ESO. Emulando o estudo do Entroido que fixo Antón Fraguas.

-Xincana con preguntas sobre vida e obra do autor e sobre o Entroido.

-Exposición na Biblioteca dos libros do e sobre o autor homenaxeado.

-Elaboración da revista “Furafollas”

-Contacontos en galego para Infantil (14 de maio)

-Investigación etnográfica sobre o meu lugar emulando a Antón Fraguas.

O XOVES 16 e MARTES 21 de MAIO

-Inauguración do Banco do Carballo (aportación da Biblioteca ao proxecto de Voz Natura) onde se creará un espazo de lectura na natureza.

-Neste mesmo lugar cantarase o Cantar de Cego.

-Interpretarase tamén aquí “O casamento da pulga”, un conto tradicional recollido por Antón Fraguas nun das súas múltiples investigacións.

-Audición de “Os Graxos” (programas de radio) na biblioteca. Debuxalos alí.

-Xincana polos espazos do centro.

 

EDUCACIÓN VIAL

A nosa biblioteca foi escenario das charlas sobre Educacuón Vial. Os cursos de 1º.2º,3º e 4º de Primaria primeiro recibiron a charla na biblioteca, logo foron pasando por diferentes zonas do centro para facer recorridos coas súas bicicletas, monopatíns..., ver o funcionamento dos vehículos de Protección Civil e da Garda Civil.

 

DÍA DO LIBRO

Para celebrar esta data programamos dúas actuacións de contacontos:
Unha para Educación Infantil e 1º e 2º de Primaria co contacontos Anxo Moure que xa había tempo que non nos visitaba.
A outra para o resto da Educación Primaria no auditorio de Coles co espectáculo de maxia e a historia de Marco Polo.
En Secundaria rematarán o Gran Libro de "As viaxes de Faildiño" xa escomenzado o curso anterior.
Marcapáxinas con poemas e libros de contos para os máis pequenos foron outras actividades desenvolvidas con motivo desta conmemoración.

 

 

 

XOGANDO A SER FAÍLDE

Despois de acudir á exposición en Ourense do escultor que dá nome ao centro ideamos un obradoiro de escultura. Alí traballamos (alumnado de 3º e 4º de Primaria) inspirados polas esculturas de Antonio Faílde e guiándonos polos libros que hai na biblioteca sobre esta figura. A profesora de Secundaria, que tamén é unha artista recoñecida, axudounos e deu pautas para modelar a plastilina e o alumnado de 4º de ESO tamén colaborou coa súa axuda

 


.
O resultado quedará para unha exposición permanente no centro.

CREAMOS CONTOS para unha biblioteca inclusiva

MATERIAIS BIBLIOGRÁFICOS ELABORADOS  PARA ALUMNADO CON TEA( TRASTORNO DO ESPECTRO AUTISTA) E  RETRASO XERALIZADO DO DESENVOLVEMENTO NA AULA ESPECÍFICA DE EDUCACIÓN ESPECIAL NESTE CURSO:

LIBROS DE CONTOS CON PICTOGRAMAS:
Adáptase “ El conejo blanco” con traducción a galego e imaxes ,  pictogramas  e narrativa axeitada ao  nivel do alumnado. Compleméntase co libro de preguntas en relación co texto e cun panel mural e persoaxes para a súa representación.                                                                                                                                                 
MANUAIS CON PICTOGRAMAS  PARA TRABALLAR OS CENTROS DE INTERÉS
Son manuais das áreas de Ciencias Naturais e Sociais que se elaboran como ampliación de contidos traballados en anos anteriores e novos manuais.
Durante este curso elaboráronse os seguintes:
“PAISAXE DE OUTONO ”,
“FALAMOS DO NADAL”
   
 “PAISAXE DE INVERNO”,   
“ O ENTROIDO”         
       
 “ÁRBORES E PLANTAS”.

LIBROS DE LECTOESCRITURA  GLOBAL CON PICTOGRAMAS
Son libros con vocabulario que se foi traballando nos centros de interés.

Polo Día da Auga e as Árbores

Traballamos polo Día da Auga e as Árbores un libro de Antonio Perozo que a Deputación de Ourense nos enviou como agasallo. Despois de lelo na Hora de Ler, de comentalo e analizalo fixemos debuxos e manualidades sobre os lugares visitados na provincia de Ourense pola Dama de Auga e as Negras Sombras, coñecimos as árbores que aparecen na historia e as súas propiedades...